علق الممثل الكوميدي لطفي العبدلي على الجدل الذي أثاره زميله جعفر القاسمي بعد تصريح أثار غضب العديد من التونسيين عبر مواقع التواصل الإجتماعي.
و كان جعفر القاسمي قد أثار الغضب بعد فيديو رد فيه على منتقدي أسعار الملابس التي يقوم ببعيها في محله الذي إفتتحه مؤخرا ، حيث قال ان الأسعار لأشخاص معينين و ليس الأشخاص العاديين خاصة و ان محله في ضاحية البحيرة.
و قال العبدلي خلال فيديو نشره عبر حسابه بموقع التواصل الاجتماعي “انستغرام” ، “جعفر ممكن قلق برشا عباد ، طبقة معينة و ثما ناس يحبوه تغششوا عليه ، لكن لازم الناس تراعي الي الفنان خاصة الفنانين الكوميديين يكونوا تلقائيين ، يبدى فرحان و إلا متغشش يتكلم من غير فيلتر”.
و أضاف العبدلي ” جعفر غلط و انا هوني مش باش نحكم عليه لكن ثما ناس و فنانين في قلوبهم سم ، قائلا “غلط نورمال ، معناها انتوما خير منو ، عمل مشروع غلط عاد شبيه ، أنا جعفر نعرفو ملي احنا صغار طفل باهي و متربي و يحب الناس و عاون برشا عباد بدون مقابل”.
و تابع قائلا ” عادي الكلنا نغلطوا لوموه عادي و المواطن الي ينتقد نتفهم لكن الفنانين و ناس معينيين تخرج تسب فيه عيب نساوا الحاجات الباهية الي عملهم الكل”.
و ختم الفيديو قائلا “برشا سم و غل قاعد نرا فيه مش باهي فنان كي يطيح نزيدو نعفسوا فيه و ميسالس الي ينجم يقول كلمة طيبة”.
المصدر : أرابيسك
